KRALENDIJK – Òktober ta e luna internashonal di e malesa di kanser na pechu. Kankerfonds Bonaire tambe ta pone atenshon na esaki. 

Mundialmente hopi hende muhé na wordu diagnostiká ku e malesa di kanser na pechu i ta e kanser ku mas ta bin dilanti serka hende muhé

Ta importante ta tur hende muhé sin importa edat sa kon pa kontrola nan mes, sa kiko ta sintomanan ku por tin i tene kuenta ku risikonan ku por tin. Purba mas tantu posibel di ta bon informa i si ripara algu ku no ta normal pa akudi mesora na bo dòkter di kas.

Nos ker pone enfasis e aña aki pa ban huntu ku nos ban konbibi ku konsientisashon di e malesa di kanser na pechu pa medio di hasi uso di e lint ros ku ta simboló di e malesa aki. Dekora ku bo espasio I hasi uso di dje komo pin na paña.

Nos tin esaki disponibel na nos sentro I pueblo por pasa tuma gratis serka nos (nos a usa lint pa traha esaki). Si bo ta desea un kantidat grandi (50 bai ariba), lo bo por hasi bo petishon via nos number di telefon +599 7969798, tambe por tuma kontakto ku nos via WhatsApp.

Nos adres ta Kaminda La Union 11. Habri riba djaluna, djarason I djabierne durante oranan di ofisina di 10or mahinta pa 2or di atardi.

Invita

Kankerfonds Bonaire ta invita pueblo kompleto na nos exposishon di portret titulá  “MI TA BUNITA”

Huntu ku nos modelo nan (personanan sufriendo di e malesa di kanser i sobrebibiente nan) nos kier ilustrá ku apesar di e tempu disifil aki bida tin kosnan bunita pa ofrese i ta kontentu di tin bida pa sigi gosa di esaki.

Nos kier invita komunidat kompleto pa bin tira bista riba e exposishon aki:

Fecha : 14 oktober  te ku 18 november 2023

Lugá : Kaminda La Union 11 (Sentro di Kankerfonds Bonaire)

Orario : Djaluna , Djarason I Djabierne 10or mahinta pa 2or di merdia I 6or di atardi pa 8or di anochi,  Djasabra i Djadumingo 10or di mahinta pa 4or di atardi