KRALENDIJK- Fundashon Mariadal ta kanselá e medidanan ku a tuma relashoná ku e molèster di awa. Awor akí no tin kestion di molèster di awa mas, di manera ku hòspital ta bai over na su funshonamentu normal.

Tur sita ku e poliklínikanan i tur operashon ta sigui segun skema. A informá e pashèntnan tokante esaki.  Djaweps 10 di novèmber Ka’i Mimina ta habri atrobe pa bishitante.

Gradisí

Fundashon Mariadal ta bisa di ta gradisí tur empleado ku durante e dianan tras di lomba a hasi esfuerso èkstra pa garantisá kontinuidat di kuido.