KRALENDIJK – E kantidat di kaso di dengue na Boneiru ta sigui subi, segun e Departamento di Salú Públiko. For di dezèmber 2024, ta mirando un oumento klaro tantu den e number di kasonan serka dòkter di kas, i tambe prueba positivo na laboratorio.

E Organisashon Panamerikano di Salú (PAHO) a lansa un advertensia internashonal dia 10 di febrüari pa motibu di e plamamentu di dengue tipo 3 den e region di Karibe i Sur Amérika.

Investigashon a mustra ku na Boneiru ta spesífikamente tipo 3 ku ta sirkulá, loke por kousa infekshonnan mas severo. Ounke e mayoria di pashènt tin sintomanan leve, durante e último lunanan algun adulto i mucha a wòrdu admití na hospital.

Ekspertonan di salú ta bolbe hasi un apleashon riba habitante pa tuma medida pa prevení mas plamamentu. Esaki inklui usa paña protektivo, medidanan pa evitá pikamentu pa sangura I evitá ku awa ta keda para banda di kas.  

Lucha

E Sekshon di Kontrol di Vektor ta kontinuá aktivamente ku e lucha kontra lugánan di brui i ta ofresé konseho ora tin plaga di muskita. Habitantenan por tuma kontakto ku e Departamento di Salú Públiko pa asistensia via 715-5324.