KRALENDIJK – Den e promé siman di skol di 2023 MBO Bonaire ta organisá dianan di motivashon pa vários estudio BBL den akogida di mucha. E kombinashon traha i siña ta un reto. Ku e dianan di motivashon e studiantenan ta optené medionan pa haña e balansa korekto. Asina nan por kuminsá e aña nobo ku hopi energia.

Na un sitio eksterno ta trit e studiantenan tayernan di bòks i yoga. Ku e tayernan akí e studiantenan ta siña kon relahá den tempu di hopi strès. Banda di esei tin atenshon pa kreamentu di balansa, buska propio forsa i pone límite. ‘Motivational speaker’ Michael Pocornie t’ei presente pa duna e studiantenan un impulso positivo èkstra. 

Liset de Keijzer, direktor di unidat MBO ta sumamente entusiasmá ku komienso di e aña nobo. “No ta fásil pa kombiná trahamentu ku siñamentu. Nos ta bai hasi tayernan plasentero, kaminda studiantenan por mustra nan kreatividat. Nos ta haña importante pa sostené e studiantenan, pa nan tin energia i motivashon pa finalisá e aña eskolar eksitosamente.”

Bo tambe ta interesá den un estudio BBL? Bishitá e anochi di informashon di BBL djaluna 16 di yanüari 2023, 18:30 – 21:00 or, na MBO Bonaire na Kaya Korona.