Entre otro Elvio Cicilia a risibí un ehemplar di e buki. Pòtret: ABC Online Media

KRALENDIJK- Monica Clarinda djamars a presentá e buki ku el a skirbi ‘Nona bèk den tempu 3, selebrá libertat di hendenan liber’. 

Monica MC Clarinda, a kuminsá na gradisí Cragill Salt i Fundashon Wega di Number Bonaire, esnan ku a pèrkurá pa e parti di spònser pa e bukinan ta un realidat.   

Sra. Clarinda a bisa: “Skirbi por ta fásil, pero no ta tur biaha esei ta e kaso. Aña pasa mi a kuminsá skirbi e buki. A tene kuenta ku diferente kos pa awe e buki ta kla. Elvio Cicilia i Rudy Domacasse, a hasi e parti di korekshon. Boi Antoin, ta un di e personanan ku a yuda ku hopi informashon pa e buki,” Clarinda a bisa. 

Entrega

Despues a presentá e buki i Sra. Clarinda a lesa un parti di e buki. Tambe a entrega diferente buki na esnan ku e kontribuí na e buki. Potrèt ta ilustrá e momentu di entrega di e buki, ku a tuma lugá na Mangasina di Rei.