KRALENDIJK/WILLEMSTAD- Riba promé dia di aña 2023 e organisashon di Medicair/EZ Air a para ketu na e echo ku awor e Boneriano Neshomar Anthony tambe tin mag di yama su mes Kapitan riba e Learjet di Medicair.

De kapitan nobo a risibí su kuater strepinan for di kolega-kapitan i mènedjer di fleta Amir Martin i zùster Asha van Zeveren di Fundashon Mariadal. 

“Mi ta sintimi hopi orguyoso di nos pilotonan lokal. Ya pa 12 aña tras di otro, dia i anochi, den bon wer of den mal wer, nos pilotonan sèmper ta para kla, pa no keda sin transportá un pashent ku mester wòrdu transportá ku urgensia”, asina Winkel a bisa. 

Base

E base operashonal di Medicair ta Aeropuerto Flamingo di Boneiru. E kompania tin, entre otro, 2 avion Learjet disponible komo avion di ambulansia.