KRALENDIJK – Klup di Entrenamentu di Futbòl  NOORD FC ta invitá muchanan hòmber i muchanan muhé entre 9 i 13 aña pa partisipá na un seshon di futbòl grátis riba djasabra 16 di sèptèmber. E seshon ta tuma lugá riba e fèlt di ATC entre 08.30 i 12.00 bou di guia di entrenadónan sertifiká entre kua un entrenadó di kiper i tambe asistensia di EHBO na e sitio.

E seshon di entrenamentu no ta primintí di ta agradabel so, pero lo sumergí den e metodologia di entrenamentu i e filosofia di NOORD FC. Esakinan ta basá riba balornan fundamental manera disiplina, rèspèt, dedikashon, apoyo, kustumber- i metanan salú. Ta un chèns pa no solamente mehorá bo téknikanan di futbòl, pero tambe pa krese komo individuo.

Pa ta sigur di bo lugá i pa inskribí pa e seshon grátis aki, bo por manda un meil na : [email protected]. Ta tuma 30 inskripshon i despues ta sera e registrashon. Menshoná den bo meil si bo ta un kiper. Tin 4 lugá disponibel pa kiper.

E seshon ta ofresé luga na mucha hòmber i mucha muhé bou di 11 aña, ku espasio pa 30 partisipante i 4 lugá disponibel pa kiper. E seshon aki ta di 8.30 te 10.00.

Pa mucha hòmber i mucha muhé bou di 13 aña tin lugá tambe pa 30 partisipante, ku 4 lugá disponibel pa kiper. E seshon aki ta di 10.30 te 12.00.

Pa mas informashon i aktualisashon po por bai e sitio wèb di NOORD FC: www.noordfc.com òf sigui nan na Facebook via “Noordfc.”