KRALENDIJK – Djaweps anochi Ofisina Sentral di Estadístika (CBS) a lansa na Boneiru un kampaña nobo di informashon yamá ‘Esaki nos ta’. E meta di e kampaña ta pa yama atenshon riba e importansia di estadístika i oumentá e enbolbimentu di e pueblo pa investigashon di data. Durante e presentashon interaktivo, ku tabata bon bishitá, a pone énfasis ku sifra ta esensial pa haña un bista den desaroyonan den un pais i ku mester hasi distinguishon klaramente entre echo- i opinionnan.

Arjan van der Meer, gerente di komunikashon na CBS, ta enfatisá e importansha di estadístikanan pa hiba un debate sosial. “Bo por hiba e debate sosial solamente si bo tin sifra tambe,” segun Van der Meer. Sin estadístika lo por traha solamente un balotashon di e kresementu di poblashon i otro desaroyonan importante riba e isla. CBS a laga sa ku na 2024 por ehèmpel 26.000 habitante tabata biba na Boneiru. Esaki lo tabata un kresementu di 36% kompará ku 2014.

Pa oumentá e perseptibilidat di CBS, e organisashon a skohe pa fortifiká su presensia na Boneiru. “Nos ta tres’é e isla,” Van der Meer ta sigui. El a enfatisá ku tantu siudadanonan komo empresanan mester basa nan mes riba echonan na momentu di forma nan opinion. “E disponibilidat pa kontestá pregunta ta birando ménos,” el a remarká, referiendo na un tendensia ku bo ta mira na Hulanda Europeo tambe. El a sigurá ku ta garantisá privasidat di respondentenan, pasobra ta publiká solamente datonan di grupo.

E kampaña di publisidat no ta dirigí su mes solamente riba kresementu di poblashon, pero tambe riba otro temanan relevante manera hóbennan, inflashon i desaroyonan ekonómiko. “E sifranan, esei ta e isla,” segun Van der Meer. Via e website di CBS tin vários estadístika aksesibel, entre otro informashon di nashonalidatnan i e idioma mas papiá na Boneiru.

Enbolbimentu di pueblo

Esther Meijer-Sedney, ku ta analista estadístika di CBS na Boneiru, a laga sa ku tin diferensianan signifikante entre buska i prosesá data na Hulanda i na Boneiru. “Na Hulanda nos tin hopi sifra i sondeonan mas grandi,” Meijer-Sedney ta bisa. “Aki nos mester traha ku e data ku ta disponibel, lokual no tur ora ta komparabel ku Hulanda. Nos ta dependé hopi di nos suministradó di data.”

Ku e kampaña Esaki ta nos CBS ke hasi e pueblo konsiente di e importansia di data. “De fakto abo tambe ta parti di nos sifranan,” Meijer-Sedney ta splika. “Bo kontestanan ta forma parti di ken nos ta komo pueblo. Nos ke pa e hendenan ta sinti nan enbolbí.”

El a enfatisá ku data ta konta un historia i ku partisipashon na investigashonnan bèrdaderamente por tin influensia. “Loke nan ta kompartí awe, ta hasi mañan e diferensia pa nan mes,” Meijer-Sedney ta konkluí