KRALENDIJK – Pelotero profeshonal Andrelton Simmons a tene klínika di beisbòl aki na Boneiru. Bou di invitashon di Indebon durante dos dia hóbennan tabatin oportunidat pa partisipá na e klínika serka Andrelton Simmons. Esaki tabata gratis I a tuma lugá na Jossy Boekhoudt Ballpark.

E promé dia tabata pa hóbennan di 6 pa 10 aña I e di dos dia e hóbennan di 11 pa 15 aña por a partisipá.

Meta di e klínika aki tabata pa e muchanan haña un bista kon e bida di un pelotero ta, mira , skucha I siña for di esaki .

Pa e hóbennan tabata un oportunidat úniko pa topa e pelotero, pa tambe sera konosí ku né, interkambiá I saka portrèt.

Esaki ta un empuhe sigur pa nos muchanan, pa nan sigui praktiká e deporte di beisbòl ku ánimo i ku mañan nan tambe por yega mes leu ku Andrelton Simmons.