KRALENDIJK – Koperativa Piskabon, huntu ku Federashon Kooperativanan Uní di Produkshon (FKUP) i WWF Dutch Caribbean, ta organisá un kurso pa piskadó i bendedó di piská na Boneiru.

E meta di e kurso ta pa konsientisá piskadónan tokante e importansia di un bon tratamentu di piská, pa asina garantisá ku e kalidat di e piská keda mantené. E kurso ta dirigí riba piskadónan, bendedónan di piská i otro persona interesá ku ke amplia nan konosementu tokante e tratamentu di piská, for di e momentu ku e piská wòrdu di kue te na e entrega na e kliente.

Tópiko ku lo trata durante e kursu ta inkluí desaroyo personal, higiena i tratamentu di piská, i maneho di un negoshi chikí. E kurso lo kuminsá dia 25 di mart 2025 i lo konsistí di seis seshon di tres ora pa anochi, tres biaha pa siman, di 6:00 pa 9:00 di anochi. E kursu lo tuma lugá na e ofisina di Piskabon.

Kupo limitá

E koperativa ta indiká ku e number di plaso ta limitá i ta enkurashá persona interesá pa inskribí nan mes tempu.