KRALENDIJK- Djárason mainta e ‘Groep Bijzondere Opdrachten’ (GBO) i Tim di Aresto a tene un akshon, durante kual tabatin dos detenshon i dos entrada hudisial.

E promé detenshon ta en konekshon ku e investigashon di e kasonan di tiroteo ku a tuma lugá ultimamente. A detené un hòmber di inisial  S.R.A.V. di 28 di edat pa violashon di Lei di Arma BES. En konekshon ku e detenshon aki a tene un entrada hudisial na un kas situá na Kaya Konfó. Aki a konfiská un arma di kandela. 

E di dos detenshon ta en konekshon ku e promé akshon di listramentu preventivo kaminda a konfiská un arma. A detené un hòmber di inisial J.L.N.T.D. di 23 aña di edat pa violashon di Lei di Arma BES. En konekshon ku e detenshon aki a tene un entrada hudisial na un kas situa na Kaya Mandolin.

Bosero di polis a indiká ku investigashon den ámbos kaso ta kontinuá.