KRALENDIJK- Entrante 1 di mart, Regiline Sambo lo kuminsá traha komo Hefe di Kuido Hubenil na Kuido i Hubentut Hulanda Karibense (ZJCN), despues di a okupá e funshon aki komo hefe suplente pa mas ku un aña. 

Sambo tin mas ku 11 aña ta traha na Kuido i Hubentut Hulanda Karibense, di kual e último 6 añanan den un ròl di gerensia. Komo hefe, e ta responsabel pa ehekushon di e maneho di hubentut i kuido di kriansa na Hulanda Karibense.

Sambo:  “Mi ta sinti mi fuertemente yamá pa kontribuí na bienestar di mucha i hóbennan na Boneiru, Sint Eustatius i Saba.  Esaki ta un yamada ku mi tabatin for di un edat hopi yòn: kada mucha meresé un chèns hustu”, asina Sambo a bisa. 

Herbert Barnard, direktor di ZJCN ta bisa di ta kontentu ku nombramentu di Regiline.  “Regiline ta trahando na Youth Care pa mas ku un dékada i a demostrá ku e por evaluá situashonnan kompleho i delikado lihé i aktua efektivamente, ku un wowo pa tur hende enbolbí”