WILLEMSTAD – E hungadó di tènis Yu di Kòrsou Jean-Julien Rojer a konkistá su promé triunfo di e aña aki huntu ku Marcelo Arévalo di San Salvador sin partisipá.

E leshon di lomba di e Kroata Ivan Dodig a pèrkurá ku e final di e wega dòbel na Adelaida a bira un walk-over. Dodig tabata forma pareha ku e Merikano Austin Krajicek. E duo tabata aña pasá kontrinkante di Rojer i Arévalo den e final di Roland Garros, kaminda Rojer i Arévalo a sobreviví tres matchpoints i a konkistá e título.

Pa Rojer e último torneo di preparashon riba e Australian Open a bira asina un akontesimiento straño. Den e semi finalnan e hungadó di tènis, ku a nase na Kòrsou, i Arévalo tampoko mester a drenta den akshon, pasobra nan kontrinkantenan – e Britániko Lloyd Glasspool i e persona di Finlandia Harri Heliovaara – a retirá nan partisipashon pa motibu di un leshon di e Britániko.

“Ta hopi apart. Esaki no a pasami nunka ainda i Marcelo tampoko: dos walk-outs, di kua unu den final tambe”, Rojer ta konta, ku mientrastantu a gana huntu ku Arévalo sinku torneo. Pa Rojer tabata su di 34 triunfo di torneo for di su promé título dòbel na Tokio na 2010.