KRALENDIJK–Djabièrnè S.V. Juventus a presentá nan unifòrm nobo pa su ekiponan hubenil. 

Despues di algun aña ku nan no ta partisipá den kampionato hubenil, e aña aki S.v Juventus ta den kampionato ku su timnan hubenil bon prepará, pa kometí fuerte den e kategorianan U9, U11 , U13 & U15.

Den un ambiente ameno, huntu ku spònsernan i algun di e muchanan ku por tabata presente, nan a presentá unifòrm nobo i tur hende por a topa, kombersá sosialisá un momentu. Nan ta yama danki speshal na Spònsernan, ku a sali pa e hóbennan, T’ Zandmannetje i Ocean Breece. 

Ku hopi positivismo i motivashon e hóbennan ta bai hasi tur esfuerso, pa saka kara e aña aki den kampionato hubenil di FFB. Nan a yama danki tambe na mayornan, tur hungadó i spesialmente e direktiva di S.V. Juventus, ku ta karga e tim ku dedikashon pa éksito. Potrèt ta ilustrá e atardi kaminda a presentá e unifòrm nobo di e tim.