THE BOTTOM – Saba Cares a kuminsá ku konstrukshon i ekspanshon di su institushon di kuido, inkluyendo un Kas di Kuido na The Bottom, serka e edifisio di hospital eksistente.

Riba 5 di sèptèmber a tuma luga ponementu di e promé piedra símbolo. Konstrukshon lo tuma luga den dos fase i ta sperá ku e proyecto kompleto lo tuma tres aña pa kaba.

E proyekto, ku a wordu kontratá na QBR Joint Venture B.V., lo inklui tres grupo di bivienda ku un total di 24 habitante ku ta nesesitá kuido 24 ora pa dia, además di ekstra fasilidatnan manera un restorán, sentro di aktividat, i un área di trankilidat.

Deseo di hopi tempu

E konstrukshon di e verpleeghuis nobo ta kumpli un deseo di hopi aña, pa tin un kasi di kuido moderno, ku sosten di gobèrnunan lokal, Ministerio di VWS na Hulanda, i ku enfásis riba krea un ambiente konfortabel i sigur pa tantu e habitantenan komo e personal médiko.