RINCON – E tim di futbòl Boneriano a pèrdè e último wega di Liga Concacaf. Den un stadion Antonio Trenidat na Rincon ku tabata bala bala di bishitante a manda e kabayeronan kas ku un skor di no menos ku 0-4. E pèrdida no tin konsekuensia. Boneiru a kualifiká su mes pa otro aña pa Liga B.

Un kantidat di 750 fanátiko di futbòl a bai stadion di Rincon djamars anochi pa gosa di e último partido den e pul. Saint-Martin ku ta na kabes a gana tur wega. Si Boneiru a gana lo el a yega na e mesun nivel. Mientras e fanátikonan tabata tira algu di kome i bebe na stoma promé ku e partido, ámbos tim tabata ansioso pa kuminsá. Boneiru tabata sa ku e ta bira un partido pisá. E tim di Saint-Martin a gana tur partido i tabatin un gol kontra. E lucha riba kua Boneiru a spera, no a dura largu. Despues di djestres minüt e partido tabata kompletamente di lòk.

Desbentaha tempran 

Okay, por a anulá un deskuido den di kuater minüt di e partido di Boneiru. Hungadó di Saint-Martin Randy Gentes a kana drenta ku  e bala den gol dilanti di kiper Denyor Cicilia. E portero di Boneiru a defendé un ekselente partido i a demostrá ku algun reskate mas lat den e partido ku e ta un atkisishon pa e tim. Un desbentaha tempran di 0-1.

Sinembargo no tabata e úniko gol tempran den e partido. Saint-Martin ku tabata hunga fuerte a skor 0-2 den di djestres minüt. Keelan Lebon a tira e bala bunita di ariba i pasa drenta kantu di e pal’i gol. Despues  ta resultá ku su gol lo ta e gol mas bunita di e partido.

Falta pase final 

Boneiru tabatin problema pa mantené su mes, Saint-Martin tabata mihó riba tur tereno i tabata prinsipalmente e pase final ku tabata afektá e selekshon di Rilove Janga. E mannan di su hungadónan a bai laira hopi biaha. No pasobra nan tabata grita di alegria, pero hopi biaha pa e echo ku nan no ta komprondé kiko tabata pasando. E no tabata bai. Promé ku haftaim Saint-Martin tabata pará na 0-3. Randy Gentes tabata fuerte, despistá su kontrinkante i a skor su di dos gol di e partido.

Trabou tin. Esei por a mira despues di haftaim. A hinka energia pa oumentá e velosidat di bala serka Boneiru. Sinembargo for di e prome atake di Boneiru a bai robes. Pèrdida di bala a pèrkurá pa un kontra atake rápido di Saint-Martin. Emmanuel Richardson a skor 0-4. E pensamentu pa akrobasia di Boneiru a pasa pa olvido. Meskos ku den promé tempu Boneiru tabata hunga bon futbòl ratu ratu. Pero na momentu ku e bala a yega e delanteronan sentral, nan no por a haña otro. Di e manera ei tabatin hopi pèrdida di bala.

Rayo di speransa

Na di 78 minüt stadion a lanta para. A hinka Freadyen Michiel, ku ta hunga pa Boneiru, den wega. Siman pasá e hungadó di apenas 17 aña tabata e hungadó sélebre, pasobra el a skor komo e hungadó mas hóben di Boneiru kontra Anguilla. Awe tambe e kier  a demostrá su mes. A risibí su akshonnan rápido i tékniko  ku aplouso for di  tribuna. E ala iskierda di Boneiru no a skor, pero a pèrkurá si ku e fanátikonan di Boneiru ta den espektativa di e próksimo partido.  Por ta posibel ku Michiel ta bira un talento nobo ku ta bai yuda Boneiru den Liga B.

Boneiru a pèrdè ku 0-4, pero por mira ku orguyo bèk riba e resultadonan ku el a optené. E selekshon por mira bèk ku un sentimentu positivo. Próksimo aña nan lo añadi poko mas esfuerso pa alomenos trata di keda den Liga B.

Posishon final 

Posishon	Tim	Hungá	Ganá	Empatá	Pèrdí	Gol na fabor	Gol kontra	Punto
1	Saint-Martin*	4	4	0	0	20	1	12
2	Bonaire*	4	2	0	2	6	6	6
3	Anguilla	4	0	0	4	0	19	0

*Sint Maarten i Boneiru ta kualifiká pa Liga B

Liga Concacaf a tèrminá. Boneiru ta na di dos lugá tras di Saint-Martin.