KRALENDIJK- E servisio di rekohé shushi lo kontinuá normal riba djaweps 27 di aprel (Dia di Rei) i djaluna 1 di mei 2023. No tin ningun kambio di ruta riba e dianan menshoná. Esaki ta konta pa e servisio di rekohé shushi restafval na kas i negoshi.

Riba djabièrnè 28 di aprel i djamars 2 di mei lo rekohé shushi separá (plèstik, glas, bleki i karton) na negoshinan. Selibon ta atvertí si ku durante e dianan di fiesta trùk di shushi ta pasa mas tempran ku kustumber. 

Kadaver

E servisio di rekohé kadaver tambe lo kontinuá normal dianan di fiesta benidero. Pa por hasi uso di e servisio aki por yama 788-2999.

Entregá sushi

E lokashon pa entregá shushi na Kaya Industria 20, Morotin, i Lagun lo ta será riba djaweps 27 di aprel 2023, djadumingu 30 di aprel (Dia di Rincon) i djaluna 1 di mei (Dia di Labor). E lokashonnan aki lo ta habrí bèk riba djabièrnè 28 di aprel, djasabra 29 di aprel i djamars 2 di mei 2023.