KRALENDIJK – Hunta di Supervishon di Scholengemeenschap Bonaire (SGB) no tin intenshon pa reakshoná riba diferente akusashon anónimo ku a sali den diferente media lokal den último simannan.

“Kontra akusashon anónimo, insinuashonnan, insultonan, i hasta mentiran SGB no por defendé su mes, i nos no tin intenshon pa hasi esaki tampoko”, asina Riet Sealy a bisa. E ta presidente di e hunta di supervishon. 

Sealy ta remarká ku yamadanan pa “sinseridat i transparensia” ta parse di ta kontradiktornio na skibimentu di karta di forma anónimo. 

Segun Sealy, den skol tin sufisiente oportunidat pa pone keho òf hasi nota di sonido krítiko. “Naturalmente, semper tin espasio pa mehorashonan i krítika ta bonbiní, pero esaki mester wòrdu tresé abiertamente i basá riba echonan. No por tin dialogo ku outornan di karta anónimo.”

Sosten

Sealy ta remarká tambe ku Hunta di Supervishon ta pará tras di direktor di unidad MBO, Liset De Keijzer. “Nos komo hunta ta aktua di forma ophetivo i independiente, ademas basá riba echo. Nan ta para kompletemente tras di De Keijzer i su esfuersonan pa brinda bon edukashon den MBO huntu ku lidernan di tim i personanan ku ta traha den skol.”