KRALENDIJK  – Sint Maarten a gana e Big Live Nature Quiz Kids di Dutch Caribbean Nature Alliance. Hóbennan di 12 te 14 aña ku ta biba na  Aruba, Boneiru, Kòrsou, Saba, Sint Maarten i Sint Eustatius a forma 134 tim ku a partisipá for di e seis islanan Karibense Hulandes. Di e manera ei e evento  a ofresé un chèns úniko pa trese naturalesa den e klasnan.

E edishon di  Big Live Nature Quiz-kids ta un wega di trivia di naturalesa ku Dutch Caribbean Nature Alliance ta ofresé bibu onlain i na kua skolnan sekundario di islanan Karibense ta partisipá.

Segun e organisadónan e quiz ta un berdadero prestashon di tim di mas ku un isla: trahá i sostené pa e seis islanan Karibense Hulandes, entre otro organisashonnan di protekshon di naturalesa (parkenan), skolnan sekundario, patrosinadónan (lokal) i Dutch Caribbean TV.

E preguntanan di quiz tabata disponibel den kuater idioma: Ingles, Hulandes, Papiamentu i Papiamento. Pa motibu di e wer ekstremo i skolnan ku a sera riba sierto isla a posponé e quiz pa un siman,  pa 15 di novèmber.

Ganadónan

E promé tim, ‘Kenatra Palarchie’ a gana un trep ku boto di bela rònt Sint Maarten i un trep di snòrkel. Tambe tabatin diferente preis lokal disponibel pa e ganadónan riba e islanan. E tim ku a skor mas haltu tabata pa Boneiru ‘Lions’, pa Kòrsou ‘4×4’, pa Saba ‘Perros’, pa Sint Eustatius ‘Fun-tastic four’ i pa Sint Maarten ‘Kenatra Palarchie’.

E quiz di e aña aki tabatin preguntanan tokante bestia i mata den Karibe Hulandes ku nan eksistensia ta na peliger. Di flornan poko komun te palabruanan ku ta koba. Den e quiz aki tabatin un kantidat grandi di habitante di e islanan i tabata mustra e bestianan úniko i spesial den nan ambiente natural.

A desaroyá e Big Live Nature Quiz pa laga hendenan sera konosí riba un manera agradabel i interaktivo tokante naturalesa, pa nan por ta orguyoso riba e bestianan den nan ambiente natural, pa sostené práktikanan positivo pa naturalesa, pa sostené proyektonan di e parkenan di naturalesa i pa laga hendenan bini islanan Karibense i interkambiá ku otro. Esaki ta un evento anual pa adulto i hóben for di 2020 i e ta  grátis .

E siguiente edishon pa adulto ta planiá pa aprel 2023 i pa hóbennan na novèmber 2023.