KRALENDIJK – Basisschool Het Koraal awor ta un skol ofisialmente subsidiá, awor ku skol a risibí un desishon di Ministerio di OCW na Hulanda pa ku esaki.

Vera Dohmen, direktora di skol, ta hopi kontentu ku e desishon aki. “Nos ta hopi felis ku esaki. Nos a traha asina duru pa logra esaki. Masha danki na tur hende ku a hasi esaki posibel,” Dohmen ta bisa komo reakshon riba e karta di ministerio.

Het Koraal ta duna hopi atenshon individual na e muchanan, teniendo kuenta ku diferensianan entre mucha i nan kapasisdat. E skol deskde komienso a risibí reakshonnan hopi entusiasmá di mayornan ku a pone nan yu nan na e skol. Na novèmber 2022, inspekshon di edukashon a realisá un sondeo pa loke ta trata kalidat di enseñansa na e skol. Resultadonan di e sondeo tabata positivo.