KRALENDIJK – Djadumingu awor ta kuminsá e promé Spoken Word Festival di 2025, un evento ku Biblioteka Públiko di Boneiru ta organisá.

E evento aki ta rebibá arte di palabra i poesia i ta yama bonbiní na un wéspet spesial: Babs Gons, un di e artistanan mas konosí di spoken word i poetanan di Hulanda.

E festival ta tuma lugá djadumingu 16 di febrüari na Zòzò Ranch, di 6’or di atardi te 9’or di anochi. Bishitantenan por spera palabranan fuerte i storianan impreshonante di tantu e artista invitá renombrá komo di partisipantenan lokal.

Bo ke ta presente? Registrá bo mes awor via e lenk aki: https://form.jotform.com/250203279665862.