ORANJESTAD- Na e isla di St. Eustatius djarason a registrá e promé viktima mortal di COVID-19 ora un pashent ku tabata wòrdu tratá for di dia 3 di yanüari 2022 na e isla di St. Maarten.

E pashent, despues ku su situashon a bira grave, a keda transportá pa St. Maarten Medical Center (SMMC) na unda ela bin fayesé tambe. 

E komisarionan di St. Eustatius, Alida Francis i Claudia Toet a ekspresá na fèrdrit pa e fayesimentu i a ofresé nan kondolensia na famia, amigu i kolega di e pashent konserní.

Hospital

Na St. Eustatius actualmente tin 4 hende den hospital, mientras ku e kandidat di kaso aktivo na e isla ta na 64.