KRALENDIJK- E grupo di studiante ku lo bai sigui nan estudio na Hulanda e aña aki, lo biaha pa Hulanda djaluna awor, dia promé di ougùstùs. 

E vuelo lo sali pa Hulanda 9 ‘or di anochi, pero e ambishon ta pa tur studiante kaba di chèk in pa 7 ‘or di anochi, pa despues por tuma despedida trankilamente di nan famia i amigunan. 

Manera ta e kaso pa algun aña kaba, e aña aki tambe e organisashon Turan Goeloe ta na enkargo di e enkuentro na Hulanda ku e studiantenan nobo i tambe nan guia durante e promé aña di estudio.