KRALENDIJK – A amplia e lisensia pa maternidat i pa parto pa hende muhé ku tin un embaraso di mas ku un yu den Karibe Hulandes di djesseis pa binti siman. Na Hulanda esei ta na vigor kaba for di 2018.

E kambio di lei aki ta parti di e Kompilashon di leinan 2023 di Asuntunan Sosial i di Trabou.

Na 2017 profeshonalnan den kuido a laga amplia e lisensia pa maternidat i parto na Boneiru, Saba i Sint Eustatius di djesdos pa djesseis siman.

Esaki ta benefisiá e averahe di 280 hende muhé na estado ku ta bini anualmente serka parteranan den hòspital Fundashon Mariadal. Un averahe di ménos ku djies hende muhé ta na estado di mas ku un yu.

Mirando e chèns haltu riba komplikashon durante embaraso, un nasementu prematuro, ora tin un parto promé ku 37 siman di embaraso òf un parto sesaria, e ampliashon aki di e lisensia pa maternidat i parto pa hendenan muhé ku ta na estado di mas ku un yu, ta importante pa e vínkulo di mama(mayor)–yu i kuminsamentu di duna lechi na pechu.

Tambe  a inkorporá den e lei aki e posibilidat di èkstra lisensia pa parto na momento di hospitalisashon di e yu mas largu ku shete dia despues di parto.

Ku e kambio di lei aki e profeshonalnan den kuido tin e speransa ku den futuro serkano lo atendé e lisensia pa paternidat/lisensia pa kompañero tambe den e proyekto di lei pa e kompilashon di leinan pa Karibe Hulandes.