KRALENDIJK- Tin un kantidat di keho kresiente pa loke ta trata buskamentu di remedi na Boneiru. Riba medionan soshal por nota hopi diskushon riba e echo ku pashèntnan tin biah tin ku para 1 ora pa 1 ora i mei pa buska remedi, spesialmente na Botika Corona.

Hopi hende ta bayendo Botika Korona, awor ku e botika na hospital ta ketu bai será. Lástimamente esi no ta e úniko problema. Pidiment di remedi òf receta via telefon tambe ta resultá kompliká. 

Pashentnan ku ta yama por laga um mensahe di bos den e sistema automatisá, pero sin sa si e petishon a wòrdu prosesá òf no. Esaki, aunke ku ta pidi pa e pashènt p alaga su number di telefon i tambe pa laga sa unda esaki ke pasa buska su remedinan. Tin pashènt sin embargo ku no mes ku e botika na fundashon Mariadal no ta habrí aktualmente. A pesar di e echo ku e ofisina di dòkter sa ku e botika na hospital ta será, no ta hasi e esfuerzo di yama e pashènt i notifiká di esaki. 

Otro problema ta ku pafó i riba porta tin informashon di apertura di Botika Korona, pero den realidat ta diferente. 

Komunikashon

Mester bisa tambe ku e komunikashon for di Fundashon Mariadal no ta kandando muchu optimal. Aunke ku a manda relato di prensa si den desèmber pa anunsiá seramentu temporal di e botika na hospital, nunca mas no a sigui komuniká kon a para ku esaki. Awor.nu ta komprondá ku mientrastantu ta bezig ta muda e botika na FM pa otro lokalidat. Nada di esaki no ta konosí pa públiko sin embargo.