Kralendijk, Oranjestad, St. Eustatius – Servisio di Imigrashon i Naturalisashon, unidat Hulanda Karibense (IND unit CN), e siman tras di lomba a organisá un treinen di vários dia tokante di naturalisashon pa dos propio empleado i kuater empleado di Entidat Públiko Sint Eustatius (OLE). Tantu IND komo e entidat públiko tin tarea i mandato riba tereno di naturalisashon.

IND ta atendé ku solisitutnan di petishon pa naturalisashon i e èksamen di naturalisashon (prueba di naturalisashon) i e seremonia di naturalisashon ta kai bou di responsabilidat di e entidat públiko. Den e treinen interaktivo aki a trata entre otro diferente ehèmpel práktiko, pa mehorá e koperashon riba e tereno aki aún mas. Mènedjer di IND CN, Ingrid Sealy ta aploudí e inisiativa kolektivo: “Ademas di e konosementu profundo ku ta ofresé, nos ta mira ku sigui un treinen di formashon ta trese tambe komprenshon i koperashon kuné.”

---

Lesa tambe:

• 
  Bonaire a presentá su mes na bolsa di Duikvaker
• 
  Pagabon Upgrade
• 
  Kolegio Ehekutvio i Konseho Insular a topa ku UNESCO, KIEN i Natcom NL 
• 
  Prevení Zika, Dengue i Chikungunya
• 
  Stinapa a presentá Lac pa Semper Final Event