KRALENDIJK- Djarason mèrdia 3 hóben a sali pa bai kompetí na Merka den kompetensia di windsurf mas grandi na Merka, e OBX Wind Competition.

Ta trata di Nigel Hart, Terrence Clappers i Bimbi Clappers ta bai kompetí den e evento. Nigel i Bimbi, ta bai kompetí den Freestyle, Terrence ta kompetí den Slalom Racing. E kompetensia ta tuma lugá na Outer Banks, North Carolina. 

E aktividat ta tuma lugá entre 22 pa 29 di òktober. Konosido windsurfista Elton ‘Taty’ Frans a bisa ku el a aserka Gobièrnu i Instituto di deporte boneriano (INDEBON), pa por a haña yudansa i el a logra pa por a guia e hóbennan pa bai Merka pa kompetí. Sigur nan ta kla pa hasi nan máksimo esfuerso, pa duna un Bon bataya. Terrence ku ta mas spesialisá den kareda nan di Slalom Racing, ta sigur kla pa mustra su spit i ta sigur ku e lo ta den e tòp 3, den e grandinan aya na Merka, Tati i a bisa. 

Orguyoso

“Nos ta sumamente orguyoso i nos ke yama Danki na INDEBON ku a duna nos e ayudo, pa por a hasi e biaha posibel”, asina Taty a trese dilanti.