WILLEMSTAD – Fin di siman pasá e konosido veterinario Odette Doest a bira Kampion Hulandes di pusha bala di heru durante e NK Masters na Hilversum, Hulanda den e kategoria di edat 50+. Doest, ku tin 50 aña, a pusha komo mihó un distansia 9,19 meter.

Anteriormente e aña aki el a pusha ainda 9.69 meter. E mag representá Hulanda awor durante KM Atletismo ku ta tuma lugá aki dos luna na Suesia.

Ya pa basta tempu kaba Doest ta pertenesé na e tòp di mundu di atletismo Hulandes. Fuera di pusha bala di heru el a optené tambe hopi rèkòrt ku tira disko i tira lansa. Ta tene e World Masters Athletics di 13 te 25 di ougùstùs na Gothenburg.