AMSTERDAM – E temporada benidero Vurnon Anita ta sigui hunga pa RKC Waalwijk. E Yu di Kòrsou a prolongá su kontrato te medio 2023.

Ku e prolongashon di su kontrato Anita, ku tabata hunga pa Ajax, ta bai su di tres temporada komo hungado di RKC, kaminda el a hunga 63 wega ofisial kaba e temporadanan anterior.

Direktor general Frank van Mosselveld ta hopi satisfecho ku e hungado internashonal di Kòrsou di 33 aña ta keda mas largu. “Ku su eksperensia i liderazgo Vurnon tabata e último dos temporadanan un balor agregá  pa nos tim di bala. Pues nos ta hopi kontentu ku e temporada aki e ta bolbe hunga pa RKC Waalwijk.”

Promé Anita tabata hunga pa entre otro Ajax, Newcastle United, Leeds United, Willem ll i CSKA Sofia. Promé ku el a hasi su debut pa Kòrsou Anita a hunga tambe tres partido internashonal pa Oranje.

Anita ta mésora riba fèlt pa entrená e siman aki. E ekípo di entrenadó 

Joseph Oosting ta habri e temporado nobo djasabra 6 di ougùstes 2022 ku un enkuentro na kas kontra FC Utrecht.

➕1️⃣

✍🏼 Vurnon Anita speelt ook komend seizoen in het Geelblauw!— RKC Waalwijk (@RKCWAALWIJK) July 25, 2022