PHILIPSBURG- Djabièrnè mainta, Maritiem Operatie Centrum di Wardakosta a risibí informashon ku tin un boto chikitu den problema, ku tabata wòrdu di tou dor di otro boto.  

E boto di tou sin embargo a kuminsá haña su mes den problema ainda mas grandi, ora mas i mas awa di laman a kuminsá drenta den dje. Wardakosta na St Maarten a ranka sali mesora pa duna asistensia na e boto den problema. Yegando na e sitio, nan a mira ku lo ta posibel pa pòmp saka e awe di laman afó di moda ku por a tou e boto mas fásil pa hiba esaki kantu.  

Pa awor, e boto ta mará den un marina na Sint Maarten.