KRALENDIJK – E hungadónan di tènis di bich tabatin un èksito grandi sin presedente na Aruba. Nan a optené diferente medaya den diferente kategoria. Esun mas spesial tabata e medaya di oro riba nivel PRO. Tim Eikholt i Darvick Anthony a gana oro i por a para riba e podio mas haltu.

Pa prome biaha den e último djes añanan e hungadónan a regresá di Aruba ku no mas ku shete medaya. E hungadónan di tènis di bich tabata éksitoso den diferente kategoria.

Avion yen di medaya 

No ta Eikholt i Anthony so a gana un medaya di oro. Danielle de Kool, Asrtobal Marcano i Farah Mesbahi tambe a kue promé premio. Éksito di dòbel miksto tabata pa Xammar Saragoza i Julia Mattaar. Nan no a gana final, pero a kue un medaya di plata si.  En kambio Ryan Richardson i Jacqueline Swart si a gana dòbel miksto

Pa loke ta trata kopa pa ekipo Ryan Richardson, Darvick Anthony, Jacqueline Swart i Carlin ten Hoeve a kue oro. Ron Opdam, Mark Ooijevaar, Willeke Dolman i Danielle de Kool a kue plata den kopa intermedio. Maurison Martines i Bjorn Saragoza a haña plata den kopa pa ekipo PRO. Finalmente Tim Eikholt i Joeri van Bon a gana tambe e premio maskulino avansá.