KRALENDIJK – Sharwin Ganga, ku tin 18 aña, a wòrdu nombrá komo miembro di e hunta di supervishon na CITRO Bonaire. Ku e nombramentu aki, CITRO ke mustra ku edat no mester ta un barera pa por duna un kontribushon balioso den komunidat.

Sharwin, ku desde su 15 aña a ta aktivo den aktividatnan di liderato i polítiko, ta kombiná su ambishon ku un e studio pa Lei, Seguro i Rekurso Humano. 

CITRO Bonaire ta praktiká un polítika organizashonal ku ta konsiente di edat i ta spera ku mas organizashonan na e región aki lo duna hubentut un chens.