WILLEMSTAD – Kòrsou ta bira un punto di salida pa krusero Karibense for di novèmber 2025 danki na un kolaborashon entre Corendon i e kompañia marítimo britániko Ambassador Cruise Line.

Corendon lo organisá dies krusero durante e temporada haltu, ku salida riba djarason i djasabra for di Willemstad pa destinashonnan manera Guadeloupe, Barbados, St. Kitts, St. Lucia, St. Maarten, Aruba i Boneiru. E promé krusero ta planiá pa 19 di novèmber 2025, i e último pa 21 di febrüari 2026.

E kruseronan ta tuma lugá abordo di e Renaissance, un barku renobá di Ambassador Cruise Line ku anterior tabata konosí komo Maasdam di Holland America Line. Pasaheronan for di Kòrsou, e región Karibense, i merkado manera Hulanda i Merka por goza di bishita di 10 òf 11 anochi, ku preis ku ta kuminsá for di €999 pa un kamer sin bentana.

Ideál

Kòrsou ta wòrdu mira komo un punto di salida ideál den e área Karibense, ku un meskla di eksperensia kultural i bunitesa natural na divers destinashon. E Renaissance, ku 629 kamer, a keda renobá kompletamente na 2022 i ta promé pasaheronan un exelente servisio i fasilidatnan abordo.