KRALENDIJK – E Biblioteka Públiko di Boneire lo muda na mart 2025 pa un lokalidat nobo na Kaya Amsterdam, un alohamento temporal mientras ta sperando un lokalidat definitivo mas den sentro.

Pa asegurá ku e mudansa kana sin problema,biblioteka lo sera temporalmente for di dia 10 di febrüari te ku dia 5 di mart. Durante e periodo aki, no lo tin servisio, ni lo no tin akseso na e kompiuternan ku normalmente ta disponibel na e lokalidat. 

Pa yuda e miembronan, e tempu pa fia buki di lo ser ta temporalmente mas largu i alabes por fia 8 buki na luga di 5. E kolekshon online lo sigui disponibel via e portal di e biblioteka. Pa preguntanan urgente, e ekipo ta alkanzabel via e-mail ([email protected]), i aktualisacionnan por ser hañá riba e website i medianan sosial.

Mehorá

E edifisio nobo ta ofresé fasilidatnan mas moderno, un kolekshon mas amplio i mas espasio pa eventonan pa komunidat. E hefe di departamento Jennifer Pocornie-Martis a enfatisá ku e mudansa aki ta un paso importante pa mehorá e eksperensia di usarionan di e biblioteka.