KRALENDIJK – Riba djaluna alrededor di 5 or di atardi e ‘Groep Bijzondere Opdrachten’ (GBO) i Tim di Aresto a hasi un detenshon en konekshon ku e kaso di tiramentu di djadumingu anochi. 

Durante un entrada hudisial den bario di Rincon, a detené un hòmber di inisial J.J.G.P. di 24 aña di edat pa violashon di Lei di Arma BES i a konfiská artíkulonan relevante pa e kaso.

Algun ora despues un di dos detenshon a tuma lugá na warda di polis en konekshon ku e mesun kaso. A detené un hòmber di inisial A.A.J.P. di 22 aña di edat pa violashon di Lei di Arma BES. 

Investigashon e kaso ta kontinuá.