KRALENDIJK – Resientemente a pone un hèki nobo pa para su tras na e sala di yegada na Aeropuerto Internashonal di Boneiru. E heki aki ta pèrkurá pa personanan ku ta bin buska famia òf amigu ta keda na un distansha di e skùifdùr kaminda pasaheronan ta sali bini pafó.

Anteriormente tabatin un sinta pa separá esnan ku tabata spera nan hende for di e pasaheronan ku tabata yega. Awor a skohe pa un hèki fiho, ounke no a anunsiá e motibu tras di e desishon aki. E outoridatnan di aviashon no a duna un deklarashon ofisial ainda riba e eskoho pa e hèki.