KRALENDIJK a tuma lugá un evento importante pa e trahadónan di FKPD, kaminda a firma un Kontrakto Kolektivo (CAO) nobo pa empleadonan di Fundashon pa Kuido di Personanan ku Desabilidat (FKPD).

George Hernandez, presidente di ABVO, a menshoná ku e firmamentu ta un derecho pa e trahadó, pero tambe pa e doño di trabou. Ambos parti mester kumpli ku esaki. El a enfatisá ku e proseso pa yega na e CAO nobo ku a bai relativamente trankil sin tenshon, indikando un kolaborashon di bon kualidat entre nan.

Segun Hernandez den e CAO tin diferente benefisio i for di e punto di bista ei, ta mihó ku esun anterior. Tafila Janga, presidente di ABVO Boneiru, i Gregory Wilson, secretario di ABVO tambe tabata presente na e momentu di firmamentu.

E CAO nobo ta vigente for di awor te ku aña 2027, ku promesa di un trabou mas mihó pa e siguiente biaha, segun director di FKPD Edilse Goeloe.