KRALENDIJK – Djaluna 11 di desèmber AKSESO a organisá un aktividat pa adulto mayónan. E aktividat a tuma lugá na Sentro di bario Amboina i tabatin un kantidat di adulto mayó. 

Durante dianan di siman e adulto mayónan ta reuní tres dia pa aktividat. Ta trata di 75 hende ku ta varia entre 60 pa 86 aña di bida. Djaluna tur hende a bini huntu pa un sena di aña i tende di organisadónan kon a bai u e aña i kon ta sigui. Ya ta di 2 aña ku Akseso ta organisá e aktividat pa e adulto mayónan, sera e aña festivo. 

Bus a buska e hendenan na kas i trese nan na e selebrashon. Esaki ta loke Shaedra Baromeo di AKSESO a bisa. Durante e anochi hendenan kome bon, bebe na òrdu i  balia músika bibu kompaña pa papa Pasku. 

Regalo i harimentu

Tambe tabatin partimentu di regalo pa tur hende. Hende nan a hari nan barika yen, durante e anochi, huntu ku un papa Pasku hopi chistoso. El a kumpra e invitadonan ku su manera. Riba potrèt un parti di e fiesta.