KRALENDIJK – Boneiru pronto lo mira un ofisina di makelarder nobo ku e yegada di Realty ONE Group International, un frankisia di inmobilario ku ta kresiendo rapidamente.

E ekspanshon, ku a wòrdu anunsiá resientemente, ta inkluí tantu Boneiru komo Kòrsou. Ta trata di e 23e i 24e lokalidat den e ret mundial di e kompania. E ofisina, ku ya ta aktivo algun tempo na Aruba kaba, tin plan konkreto pa establesé su mes riba Boneiru, na loke ta wòrdu deskribí komo un punto stratégiko.  

Popular

Greg Bardell, Direktor Regonal pa Karibe na Realty ONE Group, ta enfatisá e atrakshon di e islanan komo un destinashon popular. Ku e nobo ofisina na Boneiru i Kòrsou, e ekspanshon di e grupo lo ta kompleto pa loke ta trata e islanan ABC.