WILLEMSTAD – Siman pasá, Citizen Rescue Organization (CITRO) i e Wardakosta pa área Karibe a firma un akuerdo di koperashon nobo.

Presente na e kas di boto di CITRO tabata Adriaan van der Hoeven, Presidente, SueWen van Daalen, Sekretario i Sonia Moniz de Faria, Tesorero, Lusette Verboom, Virgill Kemper i Izzy Gerstenbluth pa CITRO.

Pa e Wardakosta pa Karibe tabata presente e Direktor di Wardakosta, Walter Hansen, Hefe di Operashonnan, Martin van Lavieren i Hefe di Sentro di Operashon Marítimo, Mirko Kessen.

E Direktor di Wardakosta ta konosé CITRO ya for di 25 aña pasá ora ku el a bishitá Kòrsou pa di promé biaha komo komandante riba e kutter di Wardakosta Jaguar i despues a okupá e funshon di hefe di operashonnan di Wardakosta.

Boluntario

Hansen a enfatisá tambe kon speshal ta, ku CITRO ta un partner importante pa  Wardakosta. Esaki ta speshalmente notabel pasobra ta trata di un organisashon ku ta traha kompletamente ku boluntarionan. Di e forma aki, CITRo ta hunga un papel importante komo un partner den e kadena di koperashon di e Wardakosta pa salba bida di hende riba laman.