KRALENDIJK – Echo ta organisá djasabra awor 25 di yanüari e konteo anual di Lora. Boluntarionan lokal ta bonbiní pa yuda ku kontamentu di e Geelsschouderamazone (Amazona barbadensis). E aña aki ta partikular, pasobra ta di 20 aña ku e konteo ta tuma lugá i ta 35 aña pasá ku a kuminsá ku kontamentu di Lora na Boneiru.

E konteonan di Lora ta eksistí kaba for di 1980 i ta tene nan pa sigui e populashon di lora na Boneiru. Na komienso no tabata hasi e konteo tur aña, pero for di 2005 ta tene nan tur aña riba e último djasabra di yanüari.

Mainta tempran boluntarionan ta bini huntu promé ku solo sali na diferente punto di opservashon. Manera e loranan bandoná nan sitio di drumi, e konteonan ta kuminsá i ta sigui te ora tur para a bai. Ta tene e konteonan na tur sitio pareu pa garantisá eksaktitut.

E aña aki Echo ta traha pa promé biaha huntu ku e organisashon Provita na Isla Margarita, Venezuela. Esaki ta importante pa protekshon di e Geelsschouderamazone, ku ta enkontrá e mesun desafionan den diferente pais.

Presentashon i selebrashon

Awe nochi, djarason 22 di yanüari pa 6.30 atardi, tin un presentashon speshal di e konteo di Lora 2025. Ta tene esaki na entrada di Parke Nashonal Washington-Slagbaai.

Despues di e konteo di djasabra awor tur hende ta bonbiní na Marshe Kultural Nos Zjilea na Mangasina di Rei di 10’or mainta te 3’or di atardi. E aña aki e tema ta “Nos Lora, Nos Orguyo”. Tin hopi aktividat plasentero pa mucha, tayernan interesante i bo ta lesa mas di e ròl di loranan den e sistema eco i e kultura di Boneiru.

Tin tempu ainda pa partisipá pa partisipá komo boluntario. Registrá bo mes via [email protected].