KRALENDIJK – E midimentu ku a hasi den área di Lagun i spesífikamente den bisindario di lèntfil a pone ku Entidat Públiko Boneiru (EPB) a disidí no solamente di hasi mas estudio, pero tambe di tuma e desishon di lo no bolbe hasi uso di e fòrnu pa kima sushi di kas. 

Estudionan hasí te awor aki pa Environmental Compliance Limited (ECL) i Rijksinstituut voor Volksgezondheid en Milieu (RIVM) ta mustra ku normanan di emishon di sustansianan dañino a wòrdu superá den e fòrnu aki. Esaki, entre otro, por kondusí  na iritashon den e sistema respiratorio, i tambe wowo.

Despes di e kandela na Lagun, konsentrashon haltu di plomo a wòrdu hañá den muestranan di tera, pero sin riesgo haltu di ekspozishon na dioksino via e tera. Si ta rekomendando pa no kome bèrdura ni karni di bestia ku a wòrdu kultivá òf kriá den un área te 2 km rondó di e zona aki. 

Mas estudio

Ademas, EPB den kolaborashon ku RIVM ta preparando mas mas estudio pa haña mas informashon di fuente di kontaminashon i kon pa prevení esaki lo mihó posibel.  E diferente rapòrtnan ku a traha ta disponibel via e website di gobièrnu.