KRALENDIJK – FXDC Post a subi e tarifanan pa stampia for di dia 1 di yanüari 2025. Un stampia pa manda karta dentro di islanan BES ta kosta awor 1 dòler ku 22 sèn. E tarifa anterior tabata 1 dòler ku 1 sèn. Ta trata di e promé oumento di tarifa despues di yanüari 2020.

Pa manda un karta pa Hulanda e oumentu di tarifa ta 18%, di 2 dòlar ku 2 sèn pa 2.39.

Segun FXDC Post e oumento di tarifa ta nesesario debi na gastunan mas haltu i un volumen di pòst ku ta disminuí. E kompania di pòst ta indiká spesifikamente un gastu kresiente pa transportashon, energia i personal. Na mes momentu, tin ménos pakete ku ta wòrdu mandá. 

ACM

E tarifanan nobo a keda fihá den kombersashon ku e Autoridat Konsumidó i Merkado (ACM). Pa karta mas pisá, e tarifa ta mas haltu.

Pa un resúmen kompleto di e tarifanan internashonal, FXDC Post ta referí na nan website.