KRALENDIJK – E último día di aña a demostrá ku Boneiru tabata hopi muhá. Awa seru a kuminsá kai for di mainta trempan i a sigui te ku oranan lat di atardi. 

E kaminda tabata yen yen di awa anto por a nota ku hopi tienda i supermerkado tabata hopi mas ketu, di loke por mira normalmente bispu di aña. Den sentro di Playa tur kaminda por a mira grupito di turista di barku krusero skondiendo pa e yobida. 

E lugánan di bende vürwerk por sierto tambe a sufri di e yobida Fuerte. Tin di nan mester a tuma medida di prekoushon pa nan merkansia no muhe i daña nan benta por kompleto riba e último dia di aña. 

Ku hopi probabilidat e bendendónan di vürwerk lo a imaginá nan mes un fin di aña hopi diferente. Mester bisa tambe ku e kantidat di klapchi ku por a skucha e aña aki parse hopi ménos di loke por mira otro añanan, ounke ku pa e kambio di aña mes por a mira i skucha basta tiramentu di klapchi ku vürpeil.