Riba 1 di yanüari 2025 a ahustá e garantia di depósito riba tres punto: e suma di kobertura, vensementu di e kriterio di residensia i konstrukshon di un fondo pa finansiá e garantia di depósito.

Na 2017 a introdusí Garantia di depósito pa Hulanda Karibense (DGS BES). Na momentu di introdukshon a palabrá pa evaluá e garantia di depósito despues di algun aña. E konklushon tabata ku DGS BES, manera ku e ta hinká den otro aktualmente, no ta kontribuí sufisientemente pa fortifiká stabilidat finansiero i protekshon di konsumidó. P’esei a ahust’é riba tres punto.

A ahustá DGS BES riba tres punto. E promé ahusta ta ku ta oumentá e suma di kobertura máksimo di USD 10.000 na USD 25.000. Esei ta nifiká ku ta protehá mas doño di kuenta. Ku e suma di maksimal USD 25.000 mas di 90% di e doñonan di kuenta ta risibí tur nan plaka bèk. E porsentahe ei ta komparabel ku e parti oropeo di Hulanda. 

E di dos kambio ta ku ta kita e eksigensia pa e doño di un kuenta bankario mester biba na BES pa ta kubrí. DGS BES ta protehá pues tur doño di kuenta di banko na Hulanda Karibense, sin importá nan lugá di biba, di permanensia òf di establesimentu.

E di tres kambio ta e manera ku ta finansiá e garantia di depósito. Bankonan ta bai kontribuí di antemano na konstrukshon di un fondo. 

Garantia di depósito

De Nederlandsche Bank (DNB) ta implementá e garantia di depósito pa Hulanda Karibense. Garantia di depósito ta un protekshon grátis ku kua, si algu por sosodé ku un banko, ta protehá e saldonan (di spar) di e klientenan di un banko outomátikamente di 1 sèn di dòler te maksimal 25.000 USD.

Un depósito ta un plaka ku ta mantené riba kuentanan bankario manera kuenta koriente, kuenta di spar i depósitonan riba término. Si un banko ku ta kai bou di e efekto di protekshon di e garantia di depósito bai fayit, De Nederlandsche Bank lo ofresé un kompensashon na e doñonan di kuenta ku ta bin na remarke pa garantia di depósito.

E protekshon ta konta pa persona òf empresa (no pa kada kuenta), pa banko ku tin un pèrmit di De Nederlandsche Bank).