KRALENDIJK – For di 1 di januari 2025, Korps Polis Karibense Hulanda (KPCN) a introdusí un prosedimentu di keho nobo ku e meta pa garantisá un maneho transparante i profeshonal di keho.

Segun un komunikado di prensa di KPCN, e método nobo ta diseñá pa fortalese konfiansa entre siudadano i polis. E prosedimentu konsistí di dos fase: un proseso di mediashon informal entre e persona ku keho i e agente konserní, siguí pa un maneho formal pa un komishon di keho independiente si esaki ta necesario.

Hefe di Polis, Alwyn Braaf, a yama atenshon riba e importanaia di e sistema nobo: “Keho ta un oportunidat pa siña i pa fortalese é konfiansa entre siudanao i polis.”

Ademas di duna un proseso struktura pa solushon, e prosedimentu tambe ta protehá e interes di e agentenan mes. Ta wak keho maner un oportunidat pa siña en bes di un medida pa kastigá, promové profeshonalismo i komprenshon mutuo.

Mihó Servisio

Segun KPCN, e prosedimentu di keho nobo ta representá un paso signifikativo pa mas transparansia i un mihó entrega di servicio. Siudadano por fasilmente presentá keho usando e formulario digital disponibel na website di KPCN.