Riba dia 12 i 13 di febrüari próksimo lo ta tene e misshon komersial ‘Dutch Caribbean Meets Panama’ pa siudat di Panamá. E evento, organisá pa e Rijksdienst voor Ondernemend Nederland (RVO) den kolaborashon ku e embahada Hulandes i Holland House Panamá, ta enfoká riba empresarionan for di e parti Karibense di Reino Hulandes.

Panamá ta ser konsiderá komo un hub logístiko importante den Latinoamérica. Ku plannan ambisioso pa kresementu ekonómiko i invershon den infrastruktuura, e pais ta ofresé oportunidatnan interesante pa kompanianan di Aruba, Kòrsou, Sint Maarten, Boneiru, Sint Eustatius i Saba.

Eksplorá merkado

E mishon ta duna partisipante e oportunidat pa eksplorá e merkado Panameño i establesé kontakto di negoshi. E programa, ku aktualmente ta den desaroyo ainda, lo konsistí di seshonan di networking i seshonan informativo tokante e oportunidatnan na Panamá. 

Intersadonan mester registrá promé ku dia 15 di yanüari awor.