KRALENDIJK- Djaweps den un ambiente festive a habri e ofisina di biahe nobo di Corendon na Boneiru.

For di e ofisina ku ta lokalisá den e lobby di Resort Bonaire na EEG Boulevard, Corendon lo benta pasashi i pakete i biahe na e habitantenan di e isla. 

Ademas, ta posibel pa reservá krusero awor ku Corendon lo oferé krusero den e área Karibense for di Kòrsou bou di su mes nòmber.

Bosero di Corendon den e área di Karibe, Norman Serphos, a duna un splikashon kòrtiku na e presentenan tokante e plannan di Corendon den e tempu benidero. E organisashon di biahe ya pa algun tempu ku tin vários hotel ta operando bou di nan propio number na Kòrsou. Ademas Corendon ya tin un aña ta bula entre Amsterdam i Kòrsou. 

Buelo

For di novèmber, e kompañia ta bula dos biaha pa siman via Boneiru riba su ruta pa Amsterdam. Esaki pa Boneiru ta e di tres konekshon direkto entre Boneiru i Amsterdam, banda di e buelonan eksistente di KLM I TUI.