WILLEMSTAD – E kandela di aña nobo na Soto, kaminda sinku hende a risibí leshon definitivamente ta okashoná pa un koktel Molotov. Esei polis a konfirmá. Medianan lokal a informá ku a transportá e mucha hòmber heridá (11) ku ambulans aéreo pa Colombia.

Riba aña nobo den dia prome minister Gilmar Pisas, ku tabata na na e sitio pa inspekshoná e kas, a papia kaba di un koktel Molotov. Polis no por a konfirmá esei ainda e ora ei. For di nan investigashon despues a sali na kla tambe ku a tira un koktel Molotov via un di e bentananan paden, pa despues tende un eksploshon ku a provoká e kandela .

Víktima mas hóben (11)

Diferente media lokal ta informá ku a transportá e víktima mas hóben, un mucha hòmber di 11 aña, ku ambulans aéreo pa Colombia pa tratamentu médiko. Segun e mésun media e lo ta luchando pa su bida. Curaçao Medical Center no por konfirmá e informashon ei, pa motibu di privasidat di su pashèntnan.

Sospechosonan 

Na tur sinku persona a risibí leshon durante e insidente, di kua mester a interná dos den hòspital, entre otro e mucha hòmber. Polis ta sospechá ku e kandela tabata dirigí i intenshonal. Polis ta hasi un yamada riba personanan ku tin tips òf pa e sospechosonan mèldu nan mes.

Koktel Molotov 

Koktel Molotov ta e nòmber kolektivo pa un bòm ku hendenan mes ta fabriká. Hopi biaha ta un bòter di glas yená ku líkido inflamabel, manera gasolin òf zeta, ku ta sende mediante un pida tela den e garganta di e bòter  i seguidamente ta tir’é un kaminda.