KRALENDIJK – Djasabra dia 17 di yüni, Sekshon di Kultura Arte Literatura ‘SKAL’ a organisá su aktividat anual yamá, É Chispa di Wan ku Pedu 2023. Gezaghèber Nolly Oleana, a dirigí palabra i tambe Papi Cicilia, promé ku a kuminsá ku e parti di bulamentu di kandela.  

Papi Cicilia, a splika poko kos di pasado i e motibu di e fiesta di San Juan San Pedro.  

E aña aki, SKAL ta sigui ku su inovashon relashoná ku selebrashon di Wan ku Pedu, entregando un fakel di kandela, na dos persona ku ta ligá den e kanto i tokadó di San Juan i San Pedro den e bario di Nikiboko. Ta trata di Herbert Cicilia i Alexander ‘Chano’ Soleana. 

Selebrashon tradishonal

Gezaghèber Nolly Oleana, a hasi e entrega na esnan menshoná. Despues gezaghèber Oleana i hefe di skal Papito Thomas, a sende 3 flambeu, pa hende bula kandela. É aktividat di Chispa di Wan ku Pedu, su meta ta, kalentá pa e selebrashonnan tradishonal mes ku ta yegando.